Adsense account approval nahi ho raha kya hai iski wajah?

Adsense account approval nahi ho raha kya hai iski wajah? Agar aapka adsense account approve nahi ho raha hai to aap jarur tension me aa gaye honge ki kyu bar bar mera adsense account reject ho raha hai. To friends ab aapko tension lene ki jarurat nahi kyunki aaj hum aapko wo sabhi reasons batane wale hai jiski wajah se aap ka adsense account approve nahi ho pata. Adsense account approval nahi ho raha kya hai iski wajah?

Adsense application reject hone par blogging karne ka maan nahi karta or lagta hai ki sari mehnat bekar ho gai hai, lekin agar hum isay positively le to jab bhi adsense application reject hota hai to hume ek email ke jariye bataya jata hai ki kyun Adsense account approve nahi hua hai. Or isi email ke jariye hum apne blog ko aisa modify kar sakte hai taki wo adsense ki liye eligible ho jaye.

Agar positively dekha jaye to Adsense aapko khud batata hai ki aapko adsense approval pane ke liye kya karna hai, yani ki adsense aap ko support karta hai. Hai na acchi baat.

To chaliye friends aapko batate hai wo sabhi karan jiski wajah se adsense account approve nahi ho pata.

Adsense account approval nahi ho raha kya hai iski wajah?

1. Insufficient content

Ye bahut hi basic reason hai jiski wajah se adsense account approve nahi hota. Iske bare me hume ek post likha hai aap usay jarur read kare taki aapko puri tarah samajh me aa jaye ki ye insufficient content hota kya hai.

Basically hota ye hai ki aapne apne blog me bahut kam post likhe hote hai jiski wajah se aapko adsense approval nahi mil pata. Insufficient content ka matlab yahi hota hai ki agar aap apne blog par aise post publish kar rahe ho jo already dusare ke blog pe aap se behtar hai to aap ka blog insufficient content wala hi hai.

Yani ki post quantity mayne nahi rakhti, bahut se blog aise bhi hai jinhone 500 se jyada post publish kiye huye hai lekin unhe insufficient content ki wajah se adsense approval nahi mil raha.

Aapko samajhna hoga ki aap jo bhi blog post likho wo apne aap me sabse behtar or unique ho. Agar aap 10 aaise post bhi likh dete ho jo bahut unique or high quality wale hai to aapko adsense approval mil jata hai. Lekin agar aapne apne blog par 10 quality post likha hai or 50 low quality post likha hai to aapko adsense approval nahi mil sakti, iski wajah hogi insufficient content.

Matlab ye hai ki aapke blog pe high quality content hi hone chahiye.

2. Low quality post

Agar aapke blog me low quality content hai to aapka blog adsense ke liye eligible nahi jiski wajah se aapka adsense application reject hota hai. Low quality content ka matlab hota hai aise post jisme quality nahi hai, yani ki aisa post jisay read karne par logo ka time waste hota ho.

Aap apne blog ke kisi bhi post ko read kare or usi post ko Google pe search karke dekhe, agar aapke blog post se behtar article aapko internet par mil rahe hai to aapko samajh jana chahiye ki aapke blog post me low quality hai.

Agar aapne apne blog pe 100 post publish kiye huye hai or jinme se maximum post me low quality hai to aap ka adsense account approve nahi hoga. Isliye behtar yahi hai ki aap apne blog post me high quality article hi likhe.

3. Copy paste karna

Agar aap apne blog me kisi dusare blog ka post copy karke apne blog par publish kar rahe ho to aap ka adsense account kabhi bhi approve nahi hoga. Kuch blogger apne blog ke content ko improve karne ke liye apne blog par dusare blog ka content copy karke publish karte hai, agar aap bhi aisa kar rahe ho to aap bhul jao ki aapka adsense account kabhi approve hoga.

4. Blog me sirf photo collection hona

Kuch blogger apne blog ke jariye photo collection publish karte hai. Lekin agar aap aisa karoge to aapke blog me sirf photo hi honge or adsense kabhi bhi aise blog ko approval nahi deta jisme sirf photos ho.

Adsense sirf or sirf content ko approval deta hai, yani ki agar aapke blog me article hai to aap adsense ke liye apply kar sakte ho. Blog post me sirf photo publish karne se aapke blog post me ek bhi text nahi hote hai or isi wajah se aapka adsense account approve nahi ho sakta.

Suggestion – Agar aap apne blog me sirf photo collection share karte ho to aapko adsense approval ke liye apne post me text bhi use karne honge, aap apne photo collection ko describe karne ke liye short article likhe, taki adsense ke liye aapka blog eligible ho jaye.

5. Blog me sirf video collection hona

Photo collection ki tarah agar aap apne blog pe sirf video collection publish karte ho to aapka blog adsense ke liye eligible nahi hai. Agar aapko apne video ke jariye adsense earning karni hai to aap YouTube me apne video ko adsense ke jariye monetize kar sakte ho, lekin blog me agar sirf video hai to aapko adsense approval nahi milta.

6. Responsive blog theme na hona

Responsive blog theme ka matlab hota hai ki aapka blog har screen size me apne aapko fit kar le. Agar aapka blog mobile screen pe bhi computer screen ki tarah show hoti hai to aapke blog par aane wale mobile visitors aapke blog ko thik se navigate nahi kar payenge.

Behtar yahi hoga ki aap apne blog par responsive theme use karo taki aapke blog har screen size par acche se show ho or aapke blog par aane wale visitors aapke blog ko acche se navigate kar sake.

Adsense ye chahta hai ki uska ad usi blog par show ho jo user friendly hai yani ki jo blog me navigation system ki wajah se vistors ko koi problem na ho.

7. Blog ka navigation accha na hona

Jaisa ki maine aapko bataya ki agar aapke blog user friendly nahi hai to aapke blog ko adsense approval nahi mil sakta. User friendly blog banane ke liye uska navigation system bhi accha hona chahiye. Jaise blog post me internal post link ka hona, sidebar me category ka hona or post ke end me related post or search box ka hoga, ye sab aapke blog ko navigate karne ke liye use kiya jata hai taki koi bhi visitor aapke blog ko bina kisi problem ke easily navigate kar sake.

Isliye agar aapke blog ka navigation system accha nahi hai to iski wajah se aapka adsense account approve nahi ho payega.

8. Important page ka na hoga

Kisi bhi blog ye website me kuch important page hote hai jisay sabhi visitors ke liye likha jata hai hai jaise – about us page, privacy policy page, contact us page. ye kuch important pages hai jo ki aapke blog pe hona hi chahiye taki aapke blog professional lage or koi bhi aapke blog ke bare me easily information le sake.

Adsense bhi in sabhi pages ko importance deti hai agar aapke blog me ye pages nahi hai to aap ka blog adsense ke liye approval nahi pa sakta.

9. Blog design sahi na hona

User friendly blog banane ke liye aapke blog design ka main role hota hai. Agar aap apne blog me aise theme use kar rahe ho jiski wajah se aapke blog ko read karne me problem hoti hai, yani ki aapke blog ka font size chota hai, aapne apne blog me bahut big image use kiya hai, aapke blog ka colour combination sahi nahi hai, aapne apne blog me bahut big logo lagaya hua hai etc etc. Yani ki agar aapke blog ke design ki wajah se aapke blog par aane wale visitors ko koi problem hoti hai to aapka blog adsense ke liye approve nahi ho pata.

10. Hacking ke bare me jankari dena

Google adsense kabhi bhi aise blog ko approve nahi karta jo hacking ke bare me information deti ho. Agar aap apne blog ke jariye hacking se related information share karte ho to aapka adsense account kabhi bhi approve nahi hoga.

11. Blog me adult content hona

Agar aap apne blog me adult content use karte ho jaise- stories, pics, videos or jokes jo ki 18+ hai to aapka blog kabhi bhi adsense approval hasil nahi kar payega. Google Adsense kabhi bhi pornography or adult content ko promote nahi karti.

Google kabhi bhi aise blog ko adsense ke liye approval nahi deta jo ki family friendly na ho. Agar aap apne blog pe kuch adult words bhi use karte ho to aapka blog family friendly nahi mana jayega.

12. Copyright content use karna

Agar aap apne blog par copyright material use karte ho jaise – photo, article to ye google terms and condition ke khilaf hai or iski wajah se aap ka adsense account approved nahi ho sakta. Maximum blogger apne blog par image download karke use karte hai or unhe ye pata nahi hota ki wo copyright image hai ya nahi, or yahi ignorance ki wajah se unka adsense account approval nahi ho pata.

13. Blog me traffic ka na hona

Agar aapke blog pe daily ke 100 visitors bhi nahi aate to aapka adsense application iski wajah se bhi reject ho sakta hai. Adsense ad ke jariye earning tabhi start hoti hai jab aapke blog pe traffic hogi, or agar aapke blog par sufficient traffic hi nahi hai to adsense ke liye apply karne ka koi fayda nahi hoga.

To in sabhi reasons ki wajah se hi aapka blog adsense ke liye approve nahi ho pata or in sabhi issues ko shootout karke easily adsense approval pa sakte hai. In sabhi point me sabse common point hai insufficient content ki wajah se adsense approval na milna. Isliye apne blog me quality content likhne ki kosis kare. Aap reference ke liye niche diye gaye article ko bhi read kare.

To friends aaja ka hamara post aapka kaisa laga hume jarur bataye or agar aap blogging se related koi bhi question puchna chahte ho to hume comment jarur kare. HAPPY BLOGGING

6 thoughts on “Adsense account approval nahi ho raha kya hai iski wajah?”

  1. Great explaination I follow your steps and got approved in 3 days. Thank you keep sharing 🙂

  2. रवी सर
    कितना अच्छा पोस्ट लिखा है. आप इतना अच्छा पोस्ट लिखतो हो , यार इतनी अच्छी बाते दिमाग में लाने के लिए क्या करना होगा इसका राज हमे भी बतावो ?
    सर सही में आप बहुत ही ग्रेट हो

    1. Thanks thanks thanks brother, par great hum nahi.. Bas hume likhna accha lagta hai or hum yahi kosis karte hai kaise apne writing se sabhi ko impress kar sake.. Waise bhi agar aap continue writing karte ho to aapki writing skill dhire dhire improve hone lagti hai, or jis din aapki writing skill perfect ho gayi to samajh jao ki aapko internet par koi bhi article read karne ke bad kuch na kuch kami jarur najar aayegi or isi kami ko aap apni writing se pura karne lagoge.

Comments are closed.

Scroll to Top