chehre ke gadde kaise mitaye ? chehre ke gadde kaise bhare ?

chehre ke gadde kaise mitaye ? chehre ke gadde kaise bhare ?

Face par gadde hona aapke face ki sundarta ko kafi kharab kar sakta hai. Face par ye gadde kai wajah se ho sakte hai jaise – chot lagne ke karan, pimples thik hone ke bad aksar gadda pad jata hai, funsi ke karan, chikenpox ke thik hone ke bad, acne hone ka karan, jalne-katne ke karan etc.

Face me gadde hatane ya mitane ke liye aap aksar gadde mitane wali cream ki help lete hai, aap jante hai aise creams me chemical hote hai jo ki aapki skin ko kharab or irritate kar sakta hai, khas kar jab aapki skin dry ya sensitive ho. Yaha hum janenge ki sahi care or kuch home made remedise ke istemal karke kaise hum apne chehere ke gadde bhar sakte hai.

Chehre ke gadde mitane ka medical treatment kya hai ?

Sabse pahle hum medical treatment ki baat karte hai jo ki skin care clenic me skin ke doctor dwara cchehre ya shrir ki kisi or jagah par gadde hatane ke liye diya jata hai. Jyadatar aise treatment kafi costly hote hai or tab kiye jate hai jab ya to aapko result jaldi chahiye hota hai ya fir aap ghrelu upchar dwara apne chehre ke gadde hatane me safal nahi hote. Doctor dwara chehre se gadde mitane ke liye aise kuch tariko ka istemal kiye jate hai.

Dermabrasion –

Isme skin care expert apne special equipment dwara skin ke gadde acar ke aas-pass ki skin ko hatakar gadde or skin ke nishan ko khatam kar deta hai.

Chemical Pilling

Isme cosmetic surgeon special chemical jaise – glyolin, lactic or cetric acid etc ka use kar skin ki upar kali parat ko hata deta hai, jissay niche ki skin uski jagah le leti hai or aapko scars or gadde me mukti milti hai. Chemical pilling me aapko kai bar doctor ke pas sitting deni padti hai.

Laser resurfacing

Isme doctor laser ka istemal karke aapki skin se gadde or scars dur karta hai.

Cream And Lotion – Isme aapko doctor gadde or scars hatane ki cream jaise mederma ke istemal karne ki salah deta hai. Yah ek first aids hai jo aap tab kar sakte hai jab aapko medical treatment se bachna ho. Isme samay jyada lagta hai or result aapki skin ke type or banawat par depend karti hai.

Chehre ke gadde mitane ke gharelu upchar ….

Jaise ki humne bataya ki chehre par gadde banane ke kai wajah hai lekin jyadatar aise gadde pimples ya acne ke thik hone ke bad bante hai. Chemical treatment yukt cream istemal ke kai nuksan ya side-effects hote hai. Lekin agar aap samajhdari or passance se kaam le to aap gharelu nuskhe or ek accha skin care routing apnakar kuch dino ya hafto me apne chehre se gadde mita sakte hai. Gharelu ilaj aasan , side-effect free, sasta or satik hota hai or aap isay kabhi bhi kar sakte hai.

Sabse pahle chehre ke hones ko hatane ke liye 2 skin care steps apnaiye or wo hai  – cleansing or exfoliation.

Cleansing

cleansing aapki skin ko saf rakhne me help karti hai sathi hi nayi pimple, acne, kil-muhase or funsi ko hone se rokti hai. Jab aapka chehra saf rahega tab aapko future me pimples or uske wajah se banane wale gadde ki problem me mukti milegi. Sath hi aapke chehre me gandagi or oil dur ho jayenge jissay aapko gadde ke ilaj me kaam aane wale gharelu nuskhe se jyada fayda milega.

Aapko cleansing ke liye apne chehre ko kisi acche anti-bectarial soap ya face wash se dhona hota hai.

Exfoliation

Chehre ke gadde khatam karne ke liye exfoliation sabse jariri step hai. Exfoliation me aap screb ka istemal karte hai jissay aapki skin se gandagi, mail or purani kaali or dead skin ki parat dur hoti hai or uski jagah niche wali fresh parat le leti hai. Hafte me 2 bar Exfoliation karne se kuch hafto me gadde ke upar or aas-pass ki parat utar jayegi or niche ki saaf parat uski jagah le legi jissay ki acne or pimples markes or gadde dur ho jayenge.

Aap gharelu scrub kistemal kar sakte hai jaise chini or honey ko milakar banaya gaya scrub ya fir pani or backing soda. Bas aapko scrub banana hai or 2 minutes tak apne chehre ko scrub karke dho lena hai. Aap market me available scrub ka bhi use kar sakte hai lekin tabhi jab aapko koi products acchi tarah se sout ko warna gharelu scrub hi sabse jyada kargar hota hai.

chehre ke gadde kaise mitaye ? chehre ke gadde kaise bhare ?

Face ke holes bharne ke liye gharelu tarike..

Yaha hum kuch aise face masks istemal karenge jo na sirf skin ko problem free rakhne me help karge balki skin ka nourishment or repair bhi kerenge….

Haldi or nimbu paste

Agar aapke ghar ke pas nimbu ka ped hai to uske patton ki paste banaye or barabar matra me haldi usme mila le. Is paste ko rojana 20 minute tak apne chehre par lagakar rakhne ke bad dho le. Aisa 2 hafto tak karne se fayda hota hai. Agar nimbu ke patte na ho to nimbu ka ras or haldi ke paste ka istemal kar sakte hai.

Nimbu or haldi me skin whitening or exfoliation quality aapke chehre ke gadde ka kalapan dur karke uski appearance to kam karega hi, haldi ke healing quality gaddo ko jaldi bharne me help karege.

Aloe Vera or vitamin-E

Chehre se daag-dhabbe or pimples, chechak or chikenpox etc ke wajah se bane gadde ko hatane ke liye rojana din me 2 bar Aloe Vera or vitamin-E oil ka mixture apne chehre par lagaye. Behtar hoga ki aap raat ko sone se pahle isay lagaye or subah uthkar chehre dho le. Aloe Vera or vitamin-E me skin lightening, anti ageing or healing quality hoti hai. Sath hi ye dono gadde ke nishan dikhai dena ka ho jate hai or gadde bharne lagte hai.

Dahi or nimbu

Dahi me exfoliation quality hai or kuch boond nimbu ka ras dal kar is mask ke exfoliation or skin fading quality bada sakta hai. Jissay aapki skin ki upari kali parat to dur hogi sath hi daag-dhabbe or gadde ke nishan bhi dur honge. Rojana dahi me kuch drops nimbu ka ras dal kar chehre par 20 minute ke liye laga kar rakhne ke bad dho le.

Nimbu or honey

Nimbu or honey ko barabar matra me milakar apne face par din me 2-3 bar lagaye. Issay skin soft hogi or sabhi prakar ke daag-dhabbe, acne or pimples marks dur honge sath hi skin ki condition me bhi sudhar hoga.

Besan, doodh or nimbu

Besan me doodh or nimbu ka ras milakar paste banaye. Is paste ko rojana sukhne tak apne chehre par lagakar rakhiye or fir dho lijiye. Issay skin me kasawat to aayegi sathi hi chire-dhire pimples scars or gadde bhi dur ho jayenge.

chehre ke gadde kaise mitaye ? chehre ke gadde kaise bhare ?

Chehre par gadde mitane ke liye bahari treatment ke sath ye bhi jaruri hai ki aap apne khan-paan ko healthy or skin friendly rakhne ki kosis kare taki skin ki health sudhre or skin problems dur rahe or iske liye aap……

  • bharpur matra me fal or sabjiyo ka sevan kariye.
  • Fast food or oily food khane se parhej kariye.
  • Vitamin, A, C, E or omega fatty acid se bharpur khady padarth ko apni diet me samil kariye.
  • Din bhar me dher sara pani pi kar apni skin ko acchi tarah hydrated rakhiye. Sath hi shrab, coofee or chai ka sevan band kar dijiye. Aap chai ki jagah green tea pi sakte hai.
  • Daily exercise karne se aapki skin ki health or condition me kafi sudhar aata hai or skin lambe samay tak younger looking bani rahti hai.
  • Hafte me 2 bar apne face ka screen treatment kariye jissay skin ki gandagi or oils dur ho jayenge or skin pimple free rahegi.
  • Apni skin ko sun-rays se bachaye iske liye aap sunscreen, scarf, cap or cotton ke gloves ka istemal kar sakte hai.
  • Ek baat or pimple hone par usay hatho se touch mat kariye or na hi usay nakhun se ukhadane ki kosis kare, aisa karne se infection to badhega hi sath hi pimple markes or gadde hone ka khatra bhi badh jata hai.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.