Mobile Data Bachane Ke SMART TIPS in Hindi

Mobile Data Bachane Ke SMART TIPS
Mobile Data Bachane Ke SMART TIPS in Hindi

Kya aap har mahine badhte mobile internet bill se pareshan hai ? Kya aapko bhi lagta hai ki bana jyada internet ka use kiye , aap uski kimat chuka rahe hai , to aapko karne honge kuch aasan se upay . JI haan , mobile setting me thode badlaw karke or kuch latest app ki help se aap apne mobile ka kafi data bacha sakte hai .


Kaise Kharch Hota hai DATA ?

Aajkal lagbhag har dusre kaam ke liye hum internet ka use karte hai . Internet ne hamare kaam ko kafi had tak easy bana diya hai . par aapko pata hai ki aapki choti-choti activity par kitna data kharch hota hai , aaiye jane –

  • Agar aap daily online kisi news website par 15 minute tak koi news video dekhte hai , iske bad youtube par kuch funny videos dekhte hai , kisi website par aadhe ghante ka koi serial dekhte hai , to mahine me aap karib 1.24 GB data kharch karte hai .
  • 30 minute ki driving ke waqt online gane sunane bhar se aap karib 800MB data kharch kar dete hai .
  • Kuch log ko social networking site par har samay photos upload karne ka bahut shouk hota hai . Sirf photos hi nahi , kuch log pura ka pura album upload kar dete hai , par kya aap jante hai ki ek dargan (12nos) high resolution photi upload karne me karib 400-500MB data kharch hota hai . To sochiye agar aap daily aisa karte hai , to lagbhag kitna data kharch hoga ?

 

Kaise Bachaye Internet DATA ?

  • Jaruri nahi ki aapka internet data har samay ON rahe . Agar aap driving kar rahe hai , meeting me hai , so rahe hai , to us samay aap internet ka use nahi karte . Us samay ke liye data band karke na sirf aap paise bachayenge , balki mobile ki battery bhi bachegi .
  • Aajkal watsapp kafi famous hai . Par jiasa ki aap jante hai ki whatsapp pe koi bhi image , video or audio apne aap download ho jata hai , jisme bewajah bahut sara data kharch ho jata hai . Chat setting me jakar media auto download me apni jarurat ke mutabik auto download band kar de . Issay auto download band ho jayega or aap apni pasand ki image ya video apni marji se download kar sakte hai .
  • Aksar hume pata bhi nahi chalta or background me bahut se apps kaam karte rahte hai , jissay aapko bina pata chale aapka kimati data kharch hota rahta hai , issay bachne ke liye setting me data uses me jaye or restrict backgroung data option par tick kare . Issay aapka kafi data bach jayega .
  • Jab bhi ghar par rahe , tab mobile data OFF karke ghar ka wifi use kare . Ghar par wifi lagwana kafi faidemand hota hai , isme aap ek computer ke sath 2-3 mobile bhi use kar sakte hai .
  • Gairjaruri push notification band kare . Aajkal ki social networking site or messaging site par ye bahut jyada hote hai , jo bewajah aakar aapka data kharch karte rahte hai . Mobile ke system setting me jakar push notification ka option disable kar de .
  • Gane sunane ke soukin hai , to online sunane ki bajay apne favorite gano ko ek bar me hi download kar le , uske bad aap jab chahe , tab unka luft utha sakta hai .
  • Apps ko update karne ke liye unhe wifi update mode par rakhe . Iske liye play store me jakar setting par click karke update option check kare . Auto update apps over wifi only select kare .
  • Apne data uses par najar rakhe . Issay aapko pata chalega ko kon sa app kitna data use kar raha hai . Iske bad aap apps ke mutabik limit set kar sakte hai , taki wah app ussay jyada data use na kar paye .
  • Mobile browser ka sahi choice karke bhi aap mobile data bacha sakte hai . Iske liye mobile ke liye use honewale browser select kare , jo jyada data kharch kiye bina acchi speed se kaam karte hai . Iske liye google chrome , opera mini browser ka use kar sakte hai .
  • Agar aap bahut jyada Maps yani online nakso ka use karte hai , to travelling se pahle hi wifi par google maps download kar le . Baad me bina online gaye aap offline bhi iska use kar sakte hai .
  • Bahut se log mobile me jagah banane ke liye cash memory delete kar dete hai . Par agar aap internet ka bahut jyada use karte hai , to aisa na kare , kyonki cash me aisi kai images download hoti hai , jo agli bar download hone se bach jayegi .
  • Account synchronize setting ka sahi use kare . Facebook or google plus ki setting me jakar auto synchronize disable kar de . Issay bewajah images download nahi hongi or aapka data kam kharch hoga .

Data Bachane Ke Smart Tips .

  • Agar aap online maps etc hamesha dekhte hai , to NAVFREE or MapsWithMeLight aapke liye faidemand sabit ho sakta hai , kyonki ye offline bhi kaam karte hai .
  • Opera Max – Apne mobile me yah app install kare . Yah aapke videos , images or web pages ko compress karke aapka data save karne me aapki help karta hai . Iske alawa agar koi app jarurat se jyada data istemal karta hai , to yah app aapko iski jankari bhi deta hai or sabse badi baat yah hai ki ye Free app hai .
  • Onavo Extend – Facebook ke jariye 2013 me laya gaya ye app aapke mobile data ko compress karke data save karne me aapki madada karta hai .
  • Google Chrome – Agar aap google chrome browser ka istemal kar rahe hai , to aapko alag se data compressor download karne ki jarurat nahi padegi , kyonki chrome me data compress ki suvidha pahle se hi hai .
  • UC Browser HD – Ye bhi kafi famous data compressor browser app hai . Apne mobile me isay download kar aap apna kimati data bacha sakte hai . Isme ads block ki suvidha available hai . Aajkal bahut si mobile companies isay inbuilt app ke tour par pesh karti hai . Agar aap chrome use nahi kar rahe hai , to UC Browser aapke liye ek accha option hai .
  • Whats Local Today – Yah ek browser app hai , jo background me kaam nahi karta , jissay aapka kafi mobile data bach jata hai . Yah ek all in all app hai , jiski madad se aap bevajah ke kai apps ko apne mobile se hata sakte hai . Iske istemal se mobile ki battery bhi lambe samay tak chalti hai .

Leave a Reply

Your email address will not be published. Required fields are marked *