Sabse Pahle Strong Bane

Sabse Pahle Strong Bane
Hamari lakshy (aim) prapt karne ki shakti us samay kam ho jati hai , jab hum yah sochte hai ki hamari shaktiya simit (limited)  hai . Jinke maan me bhi ye thinking ghar kar gaya ki hum apni situation se ghire huye hai , unse bahar nahi nikal sakte , ve vyakti hamesa dukhi rahta hai .

In thinking ne unki lakshy prapt karne ki shakti nasht nahi ki , to kam awashy hi ki hai , isliye apni soch ko kaam ka roop dene ki unki yogyata bhi nasht ho jati hai . Unhe apne jivan me asafaltao (failure) ka samna karna padta hai or nirdhanta me jivan bitana padta hai . Jo vyakti mahan kary karte hai , unki sankalp shakti rachnatmak hoti hai .

Unhe apni aastha or capability pe itna bharosa hota hai ki koi virodhi baat unke paas bhatakati tak nahi . Ve jis kaam ko bhi karne ka nishchay kar dete hai , unhe pura karke hi chodate hai . Columbus ne jis samay nayi duniya ki khoj ka bida uthaya, vo sara Europe usay pagal kahta tha or uska majak udata tha , lekin agar wah apna vishwas kho baithta or apna kaam chod deta , to usne jo mahan kaam kiya , wah koun kar pata ?

Fultan steam se chalne wale jahaj par koyla laadkar le jane ki yojana ka parikshan kar raha tha . Wah koyale ki jitani matra jahaj par laadna chahta tha , logo ka kahna tha ki steam ka jahaj itna koyala nahi le ja sakega or bich samudr me doob jayega . Uska majak udane ke liye ek book tak likhi gai , lekin wah apne kaam se vichlit nahi hua . Aakhir me wah samay aaya ki steam se chalne wale jahaj me koyala laadkar wah book bhi samudr paar ja pahuchi .

Apni shaktiyo me aastha se hi manushy unnati kar sakta hai , kyonki aastha me positive energy hoti hai . Yah shakti vyakti ko nirman ki or inspire karke lakshy me sahayak hoti hai . Jaha aastha or self-confidence nahi , waha vyakti ka kaam or utsah bekar ho jate hai. Agar vyakti sandeh or anishchay ke sthan par self-confidence ka sahara le , to kaam karne ki shakti kai guna badhti hai , kyonki tab maan ki ekagrata ke kaaran virodhi shaktiya nasht ho jati hai . Self-confidence ke kaaran hi vyakti adhik dridata se apne lakshy ki or badhta hai . Us samay daye-baye nahi dekhta . Isi kaaran uski shaktiya idhar-udhar na bikhar kar ek sath bani rahti hai .

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.