Blog ko animation loading kaise banaye?

Aap hamare aaj ke blog post ka title dekh kar jarur confuse ho gaye hoge ki aaj hum aapko kiski jankari dene wale hai. To friends confuse hone ki jarurta nahi , aap niche diye gaye demo link par click karke dekh sakte ho ki aaj hum aapko kya batane wale hai.

DEMO LINK

Agar aapne Demo Link par click kiya hai to aapko ye to jarur pata chal gaye hoga ki jab page open hota hai to page puri tarah load hone se pehle ek loading animation show kiya jata hai. Iski wajah se blog par aane wale visitor ko ek attractive user experience ka anubhaw hota hai.

Apne blog ko design karne ke liye hum kya kya nahi karte, wajah bas itni si hai ki hamara blog dusaro ke blog se accha or unique lage. Blog ko design kaise kare , is topic par humne bahut se post already publish kiya hai aap unhe bhi jarur read kare taki aap apne blog ko sabse behtar or attractive bana sako.

Aaj hum aapko Blog loading animation ke bare me batane wale hai. Aap ye to clerly samajh hi gaye ho ki me aaj kis ke bare me batane wala hu. Lekin aapke mind me kuch sawal jarur honge. Chaliye sabse pehle un sabhi doubt ko clear kar dete hai.

Animation loading blog kaise kaam karta hai ?

Ye ek HTML, CSS or JavaScript coding ki wajah se hota hai. Yani ki aapko apne blog ke html code ko edit karke ek code add karna hoga, iski wajah se jab bhi koi aapke blog ko open karega to usay loading animation show hogi. Or jab tak aapka blog fully open nahi ho jata tab tak visitors ko animation najar aati rahegi.

Issay ye hoga ki aapne apne blog par jitne bhi image, adsense ad, script use kiye honge wo background me load honge or jab tak aapka blog page puri tarah load nahi ho jata tab tak lodaing animation najar aata rahega.

Animation loading blog use karne se kya fayda hoga ?

Agar aap apne blog pe animation loading use karte ho to ye to clear hai ki aapka blog jab tak puri tarah load nahi ho jata tab tak koi bhi visitor usay dekh nahi payega. Iska main fayda ye hai ki agar aap apne blog par adsense ad use karte ho to ad load hone ke bad hi visitors ko aapke blog page show honge jissay aapke adsense ad visibility improve hoga or uspar click hone ke chances bhi improve ho jayega.

Ab aap sochte honge ki issay ad par click hone ke changes kaise improve honge ? To aapko ye to pata hi hoga ki blog par content load hone ke bad hi adsense ad show hote hai, or agar aapne apne blog post ke top me adsense ad lagaya hua hai to usay load hone me toda time lagte hai or isi bich visitor aapke blog ko scroll down kar dete hai. Jiski wajah se adsense ad visible hone se pehle hi hide ho jata hai.

Lekin agar hum apne blog par sab kuch load hone ke bad apne blog ko visitors ko show kare to hamare blog ke sabhi content visitor ko perfectly visible ho payenge.

Animation Loading blog par use karne ke nuksan ?

Agar aapk blog ki loading speed kafi kaam hai to aapko sabse pehle apne blog ki loading speed improve karni hogi, nahi to agar aap loading animation apne blog par use karoge to jab tak aapka blog puri tarah load nahi ho jata tab tak animation loading image show hota rahega , or iski wajah se visitors bore ho jayenge or aapke blog se chale jayenege.

Waise animation loading ke wajah se aapke blog ki speed par jyada kuch asar nahi padta , lekin agar aapke blog ko load hone me kafi samay lagata hai to aapko animation loading use nahi karna chahiye.

Blog ko animation loading kaise banaye ?

Agar aap apne blog me loading animation use karna chahte ho to niche diye gaye steps ko follow kijiye.

STEP – 1

Niche diye gaye image me se jo sa image aap apne animation loading me use karna chahte ho us par right click kare or uska url copy kar le.

STEP – 2

Blog ko animation loading kaise banaye ?

1. Apne blogger dashboard par jaye or Theme par click kare.

2. Customize par click kare.

Blog ko animation loading kaise banaye ?

1. Advanced par click kare.

2. Add CSS par click kare.

3. Niche diye gaye code ko copy karke Add custom CSS box me paste kare.

.loader {
position: fixed;
left: 0px;
top: 0px;
width: 100%;
height: 100%;
z-index: 9999;
background: url('Image URL') 50% 50% no-repeat rgb(249,249,249);
}

4. Image URL ki jagah pe aapne jo animation image ka link copy kiya hai usay yaha paste kare.

5. Apply to Blog par click kare.

STEP – 3

Blog ko animation loading kaise banaye ?

Theme >> Edit html par jaye or <head> search kare. Niche diye gaye code ko copy karek <head> code ke niche paste kare.

<script src="//ajax.googleapis.com/ajax/libs/jquery/1.9.1/jquery.min.js"></script>
<script type="text/javascript">
$(window).load(function() {
$(".loader").fadeOut("slow");
})
</script>

STEP – 4

Blog ko animation loading kaise banaye ?

1. <body search kare or niche diye gaye code ko <body code ke upar paste kare.

<div class="loader"></div>

2. Save theme par click kare

Bas itna karte hi aapke blog me loading animation create ho jayega, aap apne blog ko open karke check kare.

Friends aaj ka hamara post aapko kaisa laga or kya aap hamare guide ko follow karne ke bad apne blog me loading animation lagane me kamyab rahe ? Hume comment ke jariye jarur bataye. HAPPY BLOGGING

9 thoughts on “Blog ko animation loading kaise banaye?”

    1. Sahi kaha aapne, hum apne blog par animation loading use nahi karte kyun ki hamara blog WordPress hosted hai or humne jo tarika bataya hai wo sirf blogger blog par work karta hai. Haan agar hum future me wordpress blog ke liye aisa koi post likhte hai tab hum apne blog par isay jarur use karenge..

  1. NYC Article Ravi sir …..
    Bahut Helpful hai aapka Article ….

    Ravi jnaab kabhi Hmari site par bhi visit karein….
    Aur apne kimti vichar btaayein…
    Ki Site mein hmein kya-kya Improvement karnaa chahiye…

    Thank you very much???

    Your Reader
    Sandeep Jain….

    1. Thanks Sandeep ji, aapka blog Health topic se belong karta hai or Hindi health blog par competition jyada nahi hai, agar aap regular quality post karte ho to kuch hi mahino me aapke blog ki traffic kai guna badh jayegi. Aap jo bhi post likho usay kam se kam 1500 words ka likho, fir dekhna aapka blog kitni jaldi improvement karta hai.

  2. Bahut bahut dhanyavad Ravi sir….Ji…
    Hmaare liye Apna kimati waqt nikaalne ke liye aapkaa bahut bahut dhnyavad……
    Thanks a lot ?????

    1. Its ok bhai, waise aap bhi blogger ho or me bhi, hum dono ek hi path par chal rahe hai. Aise me ek blogger bhai ko dusare blogger bhai ko thanks kehna accha nahi lagta 🙂

Comments are closed.

Scroll to Top