Hey friend, Kai baar aisa hota hai jab aap kisi ko bahut pyaar karte ho par wo aapko pyaar nahi karti. Aapne apne love ko propose bhi kia but wo aapke propose ko reject kar deti hai. Aapka dil tut jata hai aur aap uske bina reh bhi nahi pate. To aise me kya kare. Usse pyar karte ho aur uske bina reh nahi sakte.
DEPRESSION KO KHUD SE DUR RAKHO
Kaafi log isi wajah se depression me aa jate hai, unka kisi bhi cheez me mann nahi lagta, ander se tut jate hai aur kai log to suicide attempt karne ki koshish karte hai aur kai log to suicide bhi kar lete hai. But isse aapko kya milta hai?
Life sirf ek baar hi milti hai doston, aur usko bhi aap agar kisi ke liye khraab kar doge, jo aapki feelings ko nahi samjhta to ye sabse galat baat hai. Kya pata hume next birth me kya mile, kaisa mile, lekin jo life aapko abhi mili hai use ache se jiyo dosto. Depression ko apne se dur rakho, jitna aap depression me jaoge utna hi aap tut-te jaoge isliye try karo depression se dur rehne ki.
USSE BAAT KARO
Aaap usse bohot pyar karte hai aur aap uske bina nahi reh sakte hai to sidhi aur simple si baat hai aap usse baat karo aur apni saari feelings usko bata do. Agar wo aapki feelings ko samajhti hai to yaa to wo aapko accept karegi yaa fir aapko samjhayegi.
Agar wo aapko accept nahi karti hai to aap usko bol sakte ho ki aap as a friend to reh hi sakte hai, isse kya hoga ki aap uske sath touch me bhi rahoge aur aapko itna bura feel bhi nahi hoga, kam se kam aap usse baate to karte rahoge uske bare me aapko sari information to rahegi.
Agar wo aapke touch me nahi hogi to aapko ye chees soch-soch kar pareshaan rahoge ki wo kaha hogi, kya kar rahi hogi, kaisi hogi and etc. Aur agar wo as a friend banne ke liye bhi wo ready nahi hoti to samjh jao ki uske mann me aapke liye koi feelings nahi hai. sabse sidhi aur easy way hai ki aap usse baat karo, baat nahi karoge to khud hi andar hi andar se aapko ye baat khaaye jayegi. So go and talk to her.
BHULNE KI KOSHISH KARO
Aapko use bhulana hi hoga. Kisi ki yaad tabhi aati hai jab hum use yaad karte hai. Kisi ko bhula pana asaan nahi hota, but aap agar use bhulana chahte hai to sabse pahle aap Khud par trust rakhe ki aap use bhula sakte hai. Aapko uski sabhi cheezo ko apni life se hataa deni chahiye, jaise uske gifts, uski photos, uski koi bhi cheez jo aapke paas hai use apne se dur kardo.
APNI LIKES AUR INTEREST KO PURA KARO
Uske bare me socho hi mat, apne aapko buzy rakho kisi na kisi kaam me jisse aapka dhyaan uspar nahi jayega. Apni family ke sath time spend karo. Apne friends ke sath time spend karo, new friends bnao aur kahi dur nature me, like hilly areas par jao ya aise hi kisi place par jao. Apne likes aur interest ko pura karo.
Jo log aapko time dete hai unke sath time spend karo. Sad songs ko apne phone se delete kardo, sirf high beat wale songs hi suno. Songs se humare mood me kafi changes aate hai agar song sad ho to sad sa feel hota hai romantic ho to romantic feel hota hai, isliye songs se bhi bahut effect padta hai. Starting me bahut difficult hota hai par baad me thoda kam ho jata hai aur uske baad aap usko bhul jate ho.
SOCHO AAPKE LAAYAK NAHI THI
Wo aapke layak thi hi nahi, isliye wo aapki life me bhi nahi hai. Jodi bhagwaan hi bnata hai may be wo aapke liye nahi thi aur jise aapke liye bnaya hai wo koi aur ho. Jo aapke liye hogi wo aapke feelings ko ache se understand karegi aur aapka sath degi, kyunki bhagwaan agar kisi ke liye kuch karta hai to uske bhale ke liye hi karta hai.
JO AAPKO PYAR KARTE HAI UNKE LIYE JIYO
Jo aapke liye jite hai, jo aapko pyar karte hai aap unko apna 100% do. Agar aap unke sath nahi rahoge aur khud ko aise hi depression me rakhoge to socho unko kaisa feel hota hoga. Jaise aapko bura feel hota hai vaise hi jo aapko pyar karte hai aapki care karte hai unko bhi feel hota hai. In sabhi baaton ko aur apne past ko bhulna mushkil hota hai but impossible nahi aur apne aane wale kal ke bare me socho, apne future ke bare me socho.
So, please guys kisi ke liye jisne aapki feelings ko nahi samjha, uske liye apni life khraab mat karo. Agar aap sad rahoge to aapke closed bhi upset rahenge. Apne liye na sahi kam se kam unke liye to kar hi sakte ho.
Agar aap khud ko buzy rakhoge to aapka dhyaan bhi nahi jayega. Aur jo maine aapko is topic me jo btaya hai please usko follow karna, isse aapko uski yaad to nahi ayegi. Agar aap upset hue to mujhe bhi bahut bura lagta hai, main apne friends ko upset nahi dekh sakti. So, guys be happy and make others happy and Be positive.
Related Topics: Hamesha Khush Kaise Rahe, Jo Person Depression Me Ho Use Khush Kaise Rakhe, Negative Thinking Ko Kaise Dur Kare, Jisse Hum Pyar Karte Hai Kaise Pata Kare Vo Bhi Karti Hai Ya Nhi,Bhut Kosish Karta Hu Par Ladki Baat Nhi Karti.
9583450866
