Subah Khali Pet Pani Pine Ke Fayde. Khali pet pani pine se kya hota hai ?

Posted on

Subah Khali Pet Pani Pine Ke Fayde.. Khali pet pani pine se kya hota hai ?
Life me pani ka importance se hum sabhi log bhali-bhati parichit hai, bina jal ke jivan ki kalpana bhi nahi ki ja sakti isliye hi jal ko jivan kaha jata hai. Manushy ke shrir ka 70% bhag pani hota hai or shrir ko healthy or energetic rakhne ke liye dinbhar shrir ko sufficient quantity me yani 2-3 liter jal ki jarurat hoti hai or iski purti hum dhire-dhire 1-2 glass pani pikar karte hai.

Jo vyakti din bhar me 2-3 liter pani nahi pita hai usko anek health related problems ghere rahti hai isliye harek vyakti ko din me kam se kam 2-3 liter pani jarur pina chahiye, jissay shrir me pani ki purti rahe or pani ki kami se hone wale rog se bacha ja sake.

Pani ki kami se hone wale rogo ki list bahut lambi hai magar sabse jyada ghatak hai shrir ki pratirodhak kshamta kam ho jana, jissay koi bhi rog ya infection aasani se sharir ko apni chapet me le leta hai.

Pani ki kami shrir me hone wali anek taklifo ke liye jimmedar ho sakti hai, magar hum is baat se anjan dawao ka sevan karte rahte hai jissay paise ki barbadi ke sath-sath dawao ke side-effect bhi shrir ko jhelne padte hai.

Waise to shrir me sufficient pani rahne se hi shrir healthy or energetic rahta hai, magar aaj hum aapko subah khali pet pani pine ke kuch aise fayde batate hai jinko jaankar aap khush ho jayenge. Hamare desh me bahut hi kam log subah khali pet pani pina pasand karte hai kyonki wo jante hi nahi ki subah khali pet piya pani health ke liye kitna faydemand rahta hai.

Khali pet pani pine se na keval din bhar shrir energetic bana rahta hai balki anek rogo se bachaw hota hai. Aapki jankari ke liye batate hai ki subah khali pet pani pine ka prachalan Japan se shuru hua hai or jyadatar Japan ke log subah uthate hi bina brush kiye 3-4 glass pani pite hai .

Subah Khali Pet Pani Pine Ke Fayde.. Khali pet pani pine se kya hota hai ?

Japan ke logo ki urja or karya kushalta se hum sabhi acchi tarah se parichit hai sayad aap ko pata hoga ki sare sansar me Japani logo ki average umar sabse jyada hoti hai.

Subah khali pet ki gayi water therapy health ki drishti se amrit saman hota hai, isliye aapko roj subah khali pet 2-3 glass pani jarur pina chahiye. Agar aapko iski aadat nahi hai to shuruwat ke 2-3 din thodi dikkat ho sakti hai , magar bad me aap iske aadi ho jayenge, sath hi anek bimariyo se bachaw ke sath din bhar energetic rahenge or iski sabse khas baat ye hai ki iske koi side-effect nahi hote hai, bas pesab ke liye 1-2 bar jyada jana pad sakta hai.

Aaiye hum aapko thoda vistar se batate hai ki subah khali pet pani pine se hamare shrir me kitne sare labh hote hai……

Pet ko saf karte hai or bhukh badhata hai

Agar kisi ka pekhana thik se nahi hota hai ya pekhane me bahut der lagti hai to uske liye yah upay raamban ho sakta hai. Subah khali pet pani pine ke kuch der me hi pakhana jane ki aadat hone lagti hai or pekhane me jyada waqt nahi lagta hai , sath hi pet bhi acche se saf ho jata hai. Pet saf hona yani ahrir ki sari gandagi nikal jane se vyakti se samayojana hone lagti hai.

Hanikarak tatv bahar nikal jate hai

Subah khali pet pani pine se mutr marg se anek hanikarak tatv shrir se bahar nikal jate hai jissay shrir me vishele padartho ka jamawada nahi ho pata hai or shrir anek vyadhiyo jaise sirdard, period ki problem, heart beat me teji, Kidney ke rog, pesab ke rog etc ko niyantran karne saksham ho jata hai.

Twacha me nikhar lata hai or manspesiyo ko majbut banata hai

Subah khali pet pani pine se khun saf hota hai or nayi koshikao ka nirman teji se hota hai, jiski wajah se manspesiya majbut hoti hai. Jin logo ki twacha rukhi or murjhae hui rahti hai un logo ko bina der kiye huye subah khali pet pani pina shuru kar dena chaiye jissay kuch dino me twacha par gajab ka nikhar or chamak aa jayegi.

Tanaw se mukti dilata hai

Neend puri ho jane par subah dimag baht sahant rahta hai or dimag ko shant awastha me khali pet pani pine se prayapt oxygen mil jati hai , jissay mansik bimariyo or tanaw me kafi aaram milta hai.

Digestive system ko majbut karta hai

Ek esearch ke anusar subah khali pet pani pine walo ka digestive system anya ki tulna me 2% jyada takat milti hai , jissay aapko bhojan ko pachane me jyada madad milti hai. Digestive system majbut or healthy hone par bhukh bhi khul kar lagti hai sath hi wajah badhne ka jikham bhi nahi rahta hai.

Immune System ko strong banata hai

Subah khali pet pani pine se ahrir ki pratirodhak kshamta matlab bimarito se ladne ki kshamta badh jati hai, jissay shrir choti-choti bimariyo ya infection etc se apna bachaw khud kar pata hai.

Body ko Energize karta hai

Subah khali pet pani pine se shrir me red blood cells ki sankhya badhne me sahayak hota hai jiski wajah se shrir me dinbhar tajagi or sfurti bani rahti hai.

Motapa kam karta hai

Subah khali pet pani pine se shrir ka metabolisim tej kaam karta hai jo badhe huye wajan ko kam karne me madadgar hota hai. Pani me zero chelorie hoti hai jissay aap khub pani pi sakte hai or pani atirikt charbi ko kam karne me sahayak ho sakta hai.

आपके लिए लिखे गए लेख

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.